Postmortem by GOTE

ცასაცა სცხელა თუ ცისარტყელა
ზურგით ატარებს უკვდავთა სულებს,
ქედზე ბალახობს ღრუბლების რემა
და მამაჩემი გულში მიხუტებს.

საფლავთა ქურდებს მოიპარავენ
მკვდრის საპოვნელად მოსული ჯვრები,
ჯონჯოლის ბუჩქი მტევან დალალებს
დაიყრის მკერდზე ჩვილი ხელებით.

როგორც მდინარე სიპი ნეკნებით,
ამომხტარი ვარ კალაპოტიდან.
თუკი ერთმანეთს შევეჩეხებით
ატმის ყვავილებს აღარ მოგიტან.