ياسر جرادي - شبيك نسيتيني by Aly_B published on 2016-06-28T14:15:58Z في نهار خريف بكلو سحاب الدنيا ظلام والنسمة باردة لعندو كلام لا عندو احلام فارغ, والعيون شاردة شبيك نسيتيني ؟ انا الي اسمك كاتبه على جبيني وريحة هواك مخبية في كنيني مهما جفيتي عمري ما ننساك شبيك نسيتيني ؟ انا الفرشيشي والعياري والهمامي جندوبي راسي لفوق يا خضرا عاشق جبال الكاف والقمرة ماني نساي ماني بكاي ماعندي ام, من صغري عايش وحدي ماني شكاي وما نعرف باي تعلمت نصبر كي النخل والهندي شبيك نسيتيني ؟ انا الي اسمك كاتبه على جبيني وريحة هواك مخبية في كنيني مهما جفيتي عمري ما ننساك شبيك نسيتيني ؟ انا القفصي الي فالداموس طيشتيني واني القابسي الي ذبلة عراجيني نشفت عيوني اما قلبي ديما فيك اه يا نساية انا الي عندي معاك الف حكاية وحلفت نكتب فيك الف غناية ونسكنك بين الوجع والروح اه يا مناية من قبل الاستعمار منيتيني ومن بعد الاستقلال خليتيني ومن بعد الاربعطاش صوتي بحاح اه يا نكارة ماعاد نرجى زيت من زيتونك ماعاد انحب الريحة من يسمينك وماعادبيني وبينك كان سماح اه يا غدارة ماعاد نمن وعد من عيونك قلبي الي حبك وما غدر ما خانك انقلعه من صدري لين يشيح شْبِيكْ نْسِيتِينِي Genre تونسي
