هيليوبلس by Mahmood Gawish published on 2018-04-01T22:54:14Z ازيك يا ابراهيم.. أنا قولت اكلمك.. جيت علي بالي النهاردة فقولت مش إشكال لو أعرف اخبارك ايه.. انا عارفة اننا المفروض منتكلمش.. وعارفة ان مكالمتي بالذات دلوقتي ممكن تضايقك..بس انا مستغربة ازاي الموضوع خلص كدة ومبقناش نعرف حاجة عن بعض.. غريبة اني مبقتش أعرف يومك كان ماشي ازاي.. كل واحد له حياته وبقى في دنيا بعيدة عن التاني.. وسكك صعب قوي تتلاقي.. صعب قوي تتلاقي زي الاول.. بالذات في دنيا بتجري بالشكل ده.. مش عارفة انا بقولك الكلام ده ليه.. يمكن لو الواحد مقالش الي في مخة احتمال يتجنن.. او ممكن يصحي يلاقي نفسه في عالم تاني زي ما حصل معانا كدة.. غريبة قد ايه بنتغير.. مع ان مفيش حاجة بتتغير فعلا.. ابراهيم انا مش عارفة امتي هقدر اكلمك تاني.. مش عارفة ان كنت هكلمك تاني من اساسه.. وأكيد مش عارفة امتي ممكن نتخبط في بعض صدفة في ..حته.. فقولت اسيبلك رسالة زي دي.. عبيطة.. وملهاش اي معني مش عارفة انت هتقول ايه لما تسمع الرسالة.. لاني مش عارفة انا بقول فيها ..ايه من ..اصله.. بس يمكن حبيت اتكلم معاك زي الاول.. بس أضمن انك مش موجود عموما نفسي الامور عندك تتحسن.. نفسي اقولك متزعلش.. ابراهيم. صدقني.. كله هيبقى كويس.. Comment by رَحمهْ المشهد دا بالفيلم كله 😅💙 2024-02-09T21:30:07Z Comment by رَحمهْ نفسي الأمور عندك تتحسن ، نفسي اقولك متزعلش ")🖤 2022-12-18T23:02:31Z Comment by رَحمهْ غريبه قد ايه بنتغير مع إن مفيش حاجه بتتغير فعلاً ... 2022-12-18T23:01:37Z Comment by Malik مش اشكال يا إبراهيم 2020-12-23T21:20:44Z
