Se Nirranġaw – Dominic Cini u Anna Azzopardi (Mark Laurence Zammit) by L-Ghanja tal-Poplu

Se Nirranġaw
Dominic Cini u Anna Azzopardi
Kliem u Mużika: Mark Laurence Zammit

Niftakar l-ewwel darba
li bistha taħt iċ-ċint,
għedt: “Din żgur niżżewwiġha!”
Madoffi, kif iġġennint.

Imma llum irrid nammetti;
dakinhar għamilt żball kbir
għaliex għandha difett ikrah
li jqabbadni d-dardir.

Id-dardir iqabbaduli l-P Enne tiegħek!

Għax familtha kollha Lejber
u jien Nazzjonalist.

Ħriġt imnellah minn ġuf ommok,
tappoġġjaw Partit faxxist!

Kieku jkolli mmur lura
niżżewwiġha, ma nerġax!
U kuljum irrid nitlaqha
imma ma nistax!

Għax sibna mod
kif taħt kull Gvern nixxalaw
kk’ irridu job jew permess, nirranġaw
it-tnejn flimkien
għandna ħbieb kullimkien
għax hi Laburista... għax jien Laburista...
u jien Nazzjonalist. u hu Nazzjonalist!

Għamilt żball, kont għadni żgħira,
l-ewwel ġuvni illi bist
għadni s’issa ma rridx nemmen,
kellu jkun Nazzjonalist.

Għax ma tgħidx illi l-Gvern tagħkom
qed joqtolna lkoll bil-ġuħ,
U agħlaqgħlu, fil-mass meetings
lanqas għadu jkollkom ruħ.

Ma jogħġbok xejn kemm inti pitma
Aħjar minnek Laburista mġiddma.
Minjaf kemm ħadtu flus baxx baxx
Għid oħra u llejla torqod fil-garaxx.

Kieku jkolli mmur lura
Biex niżżewġu, ma nerġax
U kuljum irrid nitilqu
Imma ma nistax!

Għax sibna mod
kif taħt kull Gvern nixxalaw………………

Infottu ’l hemm, infottu ‘l haw,
Biex kemm jista’ jkun niggwadanjaw.
Infottu ’l hemm, infottu ’l haw,
nafu ’l min inkellmu biex nirranġaw.

Infottu ’l hemm, infottu ‘l haw...

Għax sibna mod
kif taħt kull Gvern nixxalaw...

Għax sibna mod
kif taħt kull Gvern nixxalaw...