厝內的春光

厝內面的空課是做袂煞
煮飯洗衣摒厝擱掃土腳
翁婿後生的衫仔褲是黑白抨
哎喲喂呀我是欲安怎

別人講我是真賢慧擱勥腳
甘願犧牲親像溫柔的溫泉
我只有想欲騎著我心愛的腳踏車
一個人啉咖啡看電影

自由自在的空氣　恬恬佇我的身邊
生來美麗的花蕊　嘛是愛有人來疼惜伊
怨嘆心晟攏放風吹　生活本來就是酸甘甜
不需要好怨蹉　我欲大聲講出心內話

我想欲輕輕鬆鬆台灣好好踅一輪
把所有美麗風景溫暖人情看詳細
有春風陪伴我　一個人袂孤單
走到日頭落山　找快樂的形影

我想欲擱看一擺細漢看的尪仔冊
過去的願望攏是還未實現的寶貝
做一個大明星　做醫生做導演
做自己的頭家　做啥攏無關係

希望未來有一工　我會企佇尚高的樹頂
看著七彩的春光
牽著最心愛的恁的手
未來有一工　我會企佇尚高的樹頂
看著七彩的春光
牽著最心愛的恁的手　幸福向前看

=======================================
演唱：王山山（Sammy Wang）
作詞：王山山（Sammy Wang）
作曲：王山山（Sammy Wang）
編曲：陳睿（Rae Chan）
製作人：陳睿（Rae Chan）/ 王山山（Sammy Wang）
配唱製作人：何欣穗（ciacia）

和聲編寫：陳睿（Rae Chan）/ 王山山（Sammy Wang）
和聲：王山山（Sammy Wang）

錄音室：河岸音造錄音室
錄音師：戴建宇
混音師：戴建宇
ISRC: TWQ751100031